కాలం గాలిలో ఇంకిపోతోంది

నే చెప్పినట్టు ఏదీ జరగదే ....

నిజం తెలుసునా ?

చెట్టు చిగురు తోడుగుతోంది.

ఆకు ఎండి నేల రాలుతోంది .

రాయి వీర గర్వంతో మిడిసి పడుతోంది

ఆకాశం మబ్బుల్లో తేలుతోంది

కలం ఇంకు కారుతోంది

కాలం గాలిలో ఇంకిపోతోంది

పక్షి పంజరాన్ని దాటుతోంది

ఆకాశం నేలకు ఒరుగుతోంది

నిద్ర చీకటితో చెలగాట మాడుతోంది

హాయి పరుపులతో లాలుచి  పడుతోంది

రావడం పోవడం అంతా

ఎవరో చెప్పినట్టు  జరుగుతోంది

నే చెప్పినట్టు ఏదీ జరగదే ....

మన జీవితాన్ని ఎవరు నడుపుతోంది?

మన వెనక అజ్ఞాతంగా ఉన్నది ఎవరింతకు?..